Самарқанддаги Қуръон мусобақасида Ақтўбе қурбонлари ҳақига дуо қилинмоқда
19.01.2018 10:19,
4
Самарқанд вилоятининг Пастдарғом ва Паяриқ туманларида бўлиб ўтаётган Қуръон мусобақасининг ҳудудий босқичларида куни кеча, 18 январь куни Қуръон тиловатлари қилиниб, марҳумларнинг ҳаққига бағишланди, деб ёзади Ўзбекистон мусулмонлари идораси матбуот хизмати. Бундай савобли ишлар шу кунларда ҳам давом эттирилмоқда.
Кеча, 18 январь куни Қозоғистоннинг Ақтўбе вилоятида рўй берган, кўплаб ўзбекистонликлар ўлимига олиб келган фожиа муносабати билан ҳалок бўлганларнинг оилалари ва яқинларига ҳамдардлик билдирилмоқда. Ушбу содир бўлган фожиа сабабларини ўрганиш учун Ўзбекистон Президенти топшириғига кўра, Бош вазир Абдулла Арипов бошчилигида ташкил этилган Maxсус ҳукумат комиссияси айни вақтда Қозоғистонда бўлиб турибди.