Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Тошкентда "комендант соати" ўрнатилмайди - ИИББ баёноти
23.06.2018 02:19,  
23

Тошкент тинч, пойтахтда "комендант соати" ўрнатилмайди, дея интернетда тарқалиб кетган миш-мишларга изоҳ берди жума куни Тошкент шаҳар ИИББ раҳбари ўринбосари, полковник Азизхон Умархонов.

Эслатиб ўтамиз, Ўзбекистон президенти Шавкат Мирзиёев 19 июн куни янги қарорни имзолаган эди.

Ҳужжатда Тошкент шаҳрида жамоат тартибини таъминлаш, ҳуқуқбузарликлар профилактикаси ва жиноятчиликка қарши курашиш самарадорлигини ошириш бўйича чора-тадбирлар белгиланган.

Хусусан, Тошкент шаҳрида эндиликда туну-кун уч сменали патрул хизмати йўлга қўйилиши ҳақида ҳам айтиб ўтилган. Ушбу хабарлардан сўнг ижтимоий тармоқларда Тошкентда "комендант соати ўрнатилармиш" деган гап-сўзлар тарқалиб кетди.

ИИББ раҳбари ўринбосари бу миш-мишларни қатъий инкор этди.

"Ҳеч қанақа "комендант соати" ўрнатилмайди. Худога шукр, бизда тинчлик ҳукм сурмоқда. Пойтахт ички ишлар бош бошқармаси қуролдан узоқлашмоқда. Эндиликда ходимларимизга жанговар қурол (тўппончалар) ўрнига электрошокерлар берилади", — дея аниқлик киритди полковник ва бўлаётган ўзгаришларнинг барчаси Тошкент аҳолиси ҳамда меҳмонларга қулайлик яратиш учун амалга оширилаётганини қўшимча қилди.

Комендант соати — сутканинг маълум бир белгиланган вақтида жамоатчилик жойларида қўйиладиган тақиқдир. Мирзиёев томонидан имзоланган янги қарорда пойтахтда кечки ва тунги вақтди жамоат тартибини сақлаш тадбирларига жиддий эътибор қаратилишининг сабаблари бор.

Яқин-яқингача пойтахт маъмурияти кечки соат 22.00 дан сўнг фуқароларни уйдан чиқмасликка, яъни ухлашга мажбурларди — дам олиш, кўнгилочар, овқатланиш масканлари ёпиларди.

Мамлакатга сайёҳ ва туристларни кенгроқ жалб этиш сиёсатининг бир қисми сифатида ушбу тақиқлар олиб ташланди. Ҳуқуқ-тартибот органлари ўзларига хос босиқлик билан мазкур жараёнга тезлик билан мослашмаган кўринади. Қарорда уларнинг янги яшаш тарзига мослаштириш белгиланган.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан